अनियन्त्रित भई पल्टिएको ट्रकबाट ठूलो परिमाणमा डिजेल बरामद


काठमाडौ १६ मंसिर ।  

पूर्व–पश्चिम राजमार्ग अन्तर्गत सप्तरीको कदमाहा चोकमा आज बिहान अनियन्त्रित भई पल्टिएको ट्रकबाट ठूलो परिमाणमा डिजेल बरामद भएको छ ।

प्रहरीको सुरक्षा घेरामा पूर्वबाट पश्चिमतर्फ जाँदै गरेको ना५ख १९२७ नम्बरको ट्रक बिहान करिब ४ बजे अनियन्त्रित भई सडक छेउमा पल्टिएको थियो ।

पल्टिएको उक्त ट्रकबाट झण्डै दुई हजार लिटर डिजेल बरामद भएको इलाका प्रहरी कार्यालय कडरबोनाका प्रहरी निरीक्षक शेषकराज थान्दारले जानकारी दिनुभयो ।

व्यक्तिगत प्रयोजनका लागि वा कालोबजारीको लागि डिजेल लगिरहेको भन्नेबारे अनुसन्धान भइरहेको तथा ट्रकका चालक फरार रहेकाले उनको पनि खोजीकार्य भइरहेको उहाँले बताउनुभयो ।

बुध, मंसिर १६, २०७२ मा प्रकाशित

यसमा तपाइको प्रतिक्रिया

अन्य प्रमुख खबर समाचार

Like us On Facebook

Follow Us On Twitter