पत्रकारमाथी आक्रमण गर्नेलाई ५ बर्ष कैद ।


काठमाण्डौ, १६ मंसिर ।

जिल्ला अदालत झापाले पत्रकार रेजिना रोदन र पत्रकार महासङ्घ झापाका कार्यालय सचिव खेम बरालमाथि आक्रमणमा संलग्नलाई पाँच, पाँच वर्ष कैदको फैसला गरेको छ ।

न्यायाधीश मातृकाप्रसाद आचार्यको एकल इजलासले आक्रमणमा संलग्न अमन भनिने अर्जुन सुब्बा र विनायक मानन्धरलाई पाँच, पाँच वर्षको कैद फैसला गरेको अदालतका स्रेस्तेदार नवराज आचार्यले जानकारी दिनुभयो ।
पत्रकारद्वयमाथि आक्रमणमा संलग्न अनिस सुब्बालाई नाबालक रहेका कारण बालबालिकासम्बन्धी ऐन, २०४८ को दफा ११ (३) अनुसार बाल सुधार केन्द्र विराटनगरमा २ वर्ष ६ महिना राखेर कैद भुक्तान गर्नसमेत फैसला गरेको स्रेस्तेदार आचार्यले बताउनुभयो ।

विसं २०७१ कात्तिक २ गते विष्णुमाया गौतमको जाहेरीले जिल्ला अदालत झापामा दर्ता भएको उक्त मुद्दाका अभियुक्तहरुले अर्जुनधारा दैनिकमा कार्यरत पत्रकार रोदन र बराललाई कार्यालयको काम सम्पन्न गरेर घर फर्कने क्रममा बीच बाटोमा आक्रमण गरेर घाइते बनाएका थिए ।

बुध, मंसिर १६, २०७२ मा प्रकाशित

यसमा तपाइको प्रतिक्रिया

अन्य प्रमुख खबर समाचार

Like us On Facebook

Follow Us On Twitter