रुपन्देही प्रशासनद्धारा भैरहवामा निषेधाज्ञाको समय थप


काठमाडौ १६ मंसिर । 

जिल्ला प्रशासन कार्यलय रुपन्देहीले भैरहवा क्षेत्रमा निषेधाज्ञाको समय थप गरेको छ ।

सुरक्षा स्थितिलाई ध्यानमा राख्दै आगामी मंसिर २२ गते बेलुका ६ बजेसम्मका लागि निषेधाज्ञा कायम गरिएको स्थानीय प्रशासनले जनाएको छ ।

मधेसी मोर्चाले भैरहवालाई केन्द्रित गरेर आन्दोलन गर्ने घोषणा गरेसँगै प्रशासनले पनि निषेधाज्ञाको समय थप गरेको हो । यसअघि जारी गरिएको निषेधाज्ञाको समय गएराति सकिएको थियो ।

निषेधाज्ञा जारी गरिएको क्षेत्रमा पाँच जना वा त्यो भन्दा बढीको समुहमा मानिस जम्मा हुन नपाइने प्रशासनले जनाएको छ ।

बुध, मंसिर १६, २०७२ मा प्रकाशित

यसमा तपाइको प्रतिक्रिया