आमहडताल फिर्तापछी बिपक्षी मोर्चामा बिबाद (विज्ञप्ती सहित)


काठमाडौँ २५ चैत।

आन्दोलनरत बिपक्षी ३० दलीय मोर्चाले आम हडताल फिर्ता लिए लगत्तै बिबाद उत्पन्न भएको छ । निर्णयप्रति उपेन्द यादव नेतृत्वको मधेशी जनअधिकार फोरमले कडा अपात्ती व्यक्त गरेको छ ।

पार्टी अध्यक्ष उपेन्द्र यादवले एक विज्ञप्ती जारी गर्दै ३० दलीय विपक्षी मोर्चाले चैत्र १ गते गरेको निर्णय विपरित आम हड्ताल फिर्ता लिएर मधेसी, जनजाति र उत्पीतिवर्ग लगायत आम जनतालाई धोका दिएको ठहर गरेको छ ।

विज्ञप्तीमा सत्तासीन दल नेपाली कांग्रेस नेकपा एमालेले बहुमतको दम्भले जनभावना विपरीत संविधान बनाउन उद्दत रहेको र तिनका विरुद्ध सार्थक संविधानका लागि जनता सडकमा ओर्लिसकेको र आन्दोलन निणायक चरणमा पुगिसकेको अवस्थामा आम हड्ताल फिर्ता लिएर मोर्चाेले गम्भीर गल्ती गरेको जनाएको छ ।

त्यस्तै कुमार लिङदेन अधक्ष रहेको संघीय लिम्बुवान पार्टी नेपालले पनि बिज्ञप्ति जारि गरेर आम हडताल फिर्ता लिएको प्रति बिरोध जनाएको छ ।

बिज्ञप्तिमा भनिएको छ तीन दिने बन्दको शुरुको दिन चैत्र २३ गते देशभर ३० दलीय नेता कार्यकर्ताले साहसका साथ् राज्य को मुकाबिला गरे ,दर्जानौ साथीहरु घाइते भएका छन् पक्राउ प्ररेका छन् ।

२३ गतेको दमनको बिरुद्धमा २४ गते देखि नया रणनीति र साहसका साथ जनता सडकमा ओर्लने तयारि लिम्बुवान देखि सबै ठाउमा थियो र यो आन्दोलन नया बर्ष प्रवेश संगै संघीय रास्ट्रीय जन आन्दोलनको रुपमा बिकाश हुने निश्चित थियो।

तर गठबन्धनको संयोजक ज्यु को बिशेष पहलमा अप्रत्याशित रुपमा तीन दिने बन्द फिर्ता गरिएको छ । आज उत्पीडित समुदायहरुले आफ्नो मुक्तिको लागि आन्दोलन गर्दा देश नै डुबीहाल्छ भन्नु पूर्वाग्रह मात्र हो ।

यसरि पहिचान र अधिकारको लागि भनेर निर्णायक रुपमा उठेको आन्दोलनलाइ अकस्मात फिर्ता लिईनुले विभिन्न प्रश्नहरु जन्माएको छ ।

त्यस्तै तीन दिने आमहडताल अकस्मात फिर्ता गरिएको प्रति संघीय लिम्बुवान पार्टी ,नेपालले आश्चर्य र दुख ब्यक्त गर्दै प्राबिधिक असमान्जस्यता नआओस भनि नौ जिल्ला लिम्बुवान क्षेत्रमा आमहडताल स्थगित गरेको बिज्ञप्ति मार्फत जनाएको छ।

बुध, चैत्र २५, २०७१ मा प्रकाशित

यसमा तपाइको प्रतिक्रिया

अन्य प्रमुख खबर समाचार